Хана Хуљиќ Грашо го напушти породилиштето: Први фотографии од Алба
Хана Хуљиќ Грашо, младата хрватска музичарка, ќерка на Тончи Хуљиќ и сопруга на пејачот Петар Грашo, се породи пред неколку дена во Сплит. Таа утрото пристигнала во сплитското породилиште, а во тој момент во Загреб бил нејзиниот сопруг Петар Грашо поради деловни обврски.
Како што пишуваат хрватските медиуми, двојката својата ќерка ја нарекла Алба, а според Тончи тоа име не било случајно избрано.
View this post on Instagram
„Петар и Хана однапред се договориле малечката да се вика Алба. Тоа е име со латинско потекло и доаѓа од зборот albus (бело, светло). Алба на италијански и шпански значи зора, па може да се каже дека девојчето го добило името по таткото на Петар, Зоран. Инаку, да беше момче, ќе се викаше Тончи, по мене и дедо му на Петар“ – изјавил музичарот.
Како што пишуваат хрватските медиуми, Петар Грашо не бил со сопругата бидејќи веста за породувањето ја добил додека бил во Загреб.
View this post on Instagram
Хана вчера го напушти сплитското породилиште и со ќерката се упати кон нивниот заеднички дом, а хрватските медиуми ги објавија првите фотографии од среќната мајка.
За излегување од болница Хана избра удобен миди фустан со цветен дизајн во комбинација со рамни златни сандали. Малечката Алба беше повиена во памучно виолетово ќебенце.