Хајди Клум (51) откри ретки детали од возбудливиот љубовен живот со сопругот Том Каулиц (35), кој е шеснаесет години помлад од неа, со кој е во брак пет години. Клум со ентузијазам зборуваше за својот сопруг и истакна дека нивната енергична интимност ја прави млада.

Таа изјави за „Тајмс“: „Немам болки во грбот или колената, а го имам и мојот сопруг“, пред да се насмее и да додаде дека нивниот „сексуален живот е многу добар“ и дека во него ја нашла својата сродна душа. Хајди изјавила и дека не ѝ се допаѓа терминот „момче-играчка“ за помлад маж кој е во врска со постара жена бидејќи мисли дека разликата во годините не е важна.

„Имам помлад сопруг. И јас трчам многу, имам четири деца. Немам асистент, па немам луѓе да ми се пакуваат или да ги носат моите работи, се` правам сама“, изјави манекенката.

Пред да се омажи за гитаристот Том Каулиц, Хајди Клум беше во брак со британскиот пејач Сил. Таа беше во брак со него од 2005 до 2014 година. Имаат четири деца: Лени (20 години), Хенри (18 години), Јохан (17 години) и Лу (14 години).

Да потсетиме дека Хајди повторно успеа да изненади со нејзиниот костим за Ноќта на вештерките. Поранешната манекенка, која ја нарекуваат кралица на Ноќта на вештерките, организирала забава во Њујорк. Таа и нејзиниот сопруг Том Каулиц дојдоа облечени како вонземјанинот Е.Т. од истоимениот култен филм од 1982 година.

ФОТО | Бисери, дијаманти и деколтеа: Модата на годинашното издание на наградите Еми