Хрватскиот репрезентативец Јошко Гвардиол денеска ќе биде дел од ново англиско дерби со неговиот Манчестер сити од 17:30 часот го пречекува Ливерпул. Во пресрет на големиот дуел, младиот дефанзивец се потсети на почетоците од својата кариера и откри интересна приказна од младоста.

Иако денеска важи за еден од најсигурните стопери во европскиот фудбал, Гвардиол призна дека како тинејџер сериозно размислувал да го напушти фудбалот и да се посвети на кошарката.

„Да, тогаш размислував да ја прекинам кариерата. Во тоа време имав 16-17 години, често бев на клупа и се прашував дали ќе успеам. Многу сакам и кошарка. Сите мои пријатели тогаш играа, па размислував дали да им се придружам. Во тие моменти тоа ми беше спорт број еден“, изјави Гвардиол.

Среќа за него, но и за хрватската репрезентација, Гвардиол сепак останал верен на фудбалот, одлука која денес му го донесе статусот на еден од најперспективните дефанзивци во светот.

Преземено од: Спорт.ком.мк