Според моменталните резултати од Државната изборна комисија, кандидатот поддржан од коалицијата „Твоја Македонија“ формирана од ВМРО-ДПМНЕ, Влатко Грозданов, е во водство во Општина Кочани со освоени 40,73 отсто од гласовите, односно 1.861 глас.

На второ место е Венко Крстевски со 22,19 отсто или 1.014 гласови, додека, пак, трет е Игор Христов од СДСМ со 18,23% или 833 гласа.

Значителен резултат има и независниот кандидат Зоран Тодоров, кој освои 10,70% (489 гласа), додека кандидатката на Левица, Жаклина Филипова-Свекароска, има 2,14% (98 гласа).

Најмалку гласови досега има Даниел Глигоров од Единствена Македонија, со 0,88% (40 гласа).

Сѐ уште се обработуваат резултатите од преостанатите избирачки места, а конечниот исход ќе биде познат по завршување на пребројувањето и објавувањето од страна на ДИК.