Вицепремиерката задолжена за политики за добро владеење, Славица Грковска, вечерва во дебатниот магазин „Клик плус“ на ТВ „21“ рече дека „во принцип, договорот со „Бехтел и Енка“ треба да биде објавен доколку во него нема клаузула која би можела да претставува пречка“.

„Договорот во суштина можно да се разгледува во Парламентот, односно понудено е од Владата да се разгледа во редактирана форма“, вели Грковска, која додава дека не е сигурна дали договорот е пристигнат, бидејќи процесот го води вицепремиерот Артан Груби.

Таа вели дека во делот кој неа ја интересира, договорот е даден во Антикорупциската комисија и Обвинителството за да се провери дали има недоследности.

За тоа зошто договорот се крие од јавноста, Грковска вели дека проценката е дека е најдобро да не се доведат во ситуација во која компанијата би можела да ги обвини дека одале деловна тајна.