Грчките медиуми за пожарот во модуларната болница во Тетово: Трагедија во Северна Македонија

Грчки весници / Фото: EPA/SIMELA PANTZARTZI

„Трагедија во Северна Македонија: најмалку десет мртви во пожар во ковид-болница”, е најчестиот наслов во грчките медиуми за синоќешниот пожар во модуларната болница во Тетово, јави дописничката на МИА од Атина.

Медиумите во Грција, како електронските, така и телевизиите, рано утрово ја пренесуваат веста заедно со видеа и фотографии, коментирајќи дека станува збор за трагедија.

Паралелно, ги пренесуваат и објавените твитови како на премиерот Зоран Заев, така и на министерот за здравство Венко Филипче, додавајќи дека веднаш заминале за Тетово.

Телевизијата „Скај” коментира дека пожарот во модуларната болница во Тетово избувна на денот кога земјата ја прославуваше 30-годишнината од независноста.

Грчката новинска агенција АНА-МПА пишува дека, според министерот Филипче, десет лица ги загубија животите и додава дека медиумите во Скопје објавуваат дека бројот на жртвите е поголем.

Онлајн изданието на весникот „Прото тема” посочува дека причините за експлозијата остануваат непознати, а петмина јавни обвинители вршат истрага за трагедијата.

Како што утрово објави МИА, Министерството за надворешни работи на Грција преку официјалниот Твитер профил изрази сочувство до семејствата на загинатите и солидарност до народот и владата на Северна Македонија.

Извор: МИА

ВИДЕО | Детали за пожарот во Тетово: Над 30 пожарникари со 7 возила интервенираат, извадени се починатите пациенти

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот