Синџирите на супермаркети во Грција постојано ја прошируваат својата палета на производи. Тие продаваат сè повеќе електрични апарати, играчки, облека и обувки, градинарски предмети, книги и сезонски производи, а во исто време обезбедуваат повеќе услуги, со работа на ресторани во продавниците, игралишта, станици за полнење автомобили, како и кутии за отпуштање пратки (шкафчиња), пишува грчки Катимерини.

Спротивно од она што самите синџири го очекуваа, под товарот на инфлацијата, големите продавници (хипермаркети) продолжија да бидат многу популарни во 2022 година и да се трансформираат, преку проширување на услугите, во дестинации за купување и забава за целото семејство.

Според најновите податоци достапни од компанијата за истражување на пазарот ИРИ, во 2022 година уделот на продавниците со површина од повеќе од 2.500 метри квадратни изнесува 14,5 отсто, при што прометот остварен во продавниците од оваа категорија е зголемен за 7,9 отсто во однос на 2021 година.

Зошто се случи ова?

Потрошувачите таму наоѓаат подобри зделки – бидејќи синџирите најдоа начини да привлечат клиенти – отколку во помалите продавници, плус хипермаркетите им нудат на потрошувачите можност за купување и забава без да трошат време и пари на друго место.