Претседателот на Советот на семејствата на исчезнатите во Косово, Ахмет Грајчевци изјави дека не верува дека денешната средба меѓу Косово и Србија во Брисел ќе се постигне договор за прашањето за исчезнатите лица, јавува Клан Косова.
Грајчевци посочи дека Србија нема да го прифати терминот „присилни исчезнувања“ и отворање архиви.

„Европа и светот не вршеа притисок врз Србија да биде покооперативна, толерантна и похумана. Прашањето за исчезнатите е хуманитарно прашање, но не верувам дека ќе има потписи“, рече Грајчевци.

Тој нагласи дека со отворањето на архивите ќе се создаде можност „да се дознае вистината“.

„Можете да видите што навистина направи Србија за време на војната во Косово, бидејќи сè беше запишано во нејзините архиви. Сè што направи Србија во однос на командата и администрацијата беше снимено и документирано“, рече Грајчевци.

Тој додаде дека претходните влади, како и сегашната, не придонесуваат за прашањето за воените злосторства и исчезнатите лица.

Ниту една влада, па ни таа на Курти, не придонесува прашањето да биде доделено на специјални институции, или на одделот за воени злосторства, да има свои истражувачи на терен, да постои Институтот за воени злосторства, одделот за форензика“, рече Грајчевци.