Поранешниот тренер на Работнички, Горан Самарџиев, по пауза од околу шест месеци повторно се активира и се враќа на тренерската сцена.

Косовскиот клуб Раховеци преку своите официјални канали потврди дека постигнал договор со македонскиот стратег, кој од утре и официјално ќе го преземе кормилото на тимот. За Самарџиев ова ќе биде втор ангажман надвор од границите на Македонија, откако претходно, пред периодот поминат во Работнички, работеше и во Словачка, во редовите на Комарно.

Раховеци и во минатото имаше соработка со македонски тренери и кошаркари, а во текот на една сезона тимот го предводеше и актуелниот селектор на Македонија, Марјан Илиевски.