Партизан дојде до огромна победа во големото дерби против Црвена звезда, откако направи неверојатен пресврт во последните 11 минути од натпреварот. Иако Звезда водеше со 60:44, црно-белите успеаја да се вратат и на крај славеа со 79:76, запишувајќи ја својата шеста победа оваа сезона во елитното натпреварување.

Гледавме одличен дерби-дуел – нервозен на стартот на двете полувремиња, со Звезда која го контролираше резултатот сè до последните моменти од третата четвртина. Со серијата на Нвора, црвено-белите стигнаа до максимални +16.

Сепак, Дуејн Вашингтон ја запали искрата на пресвртот со пет врзани поени кон крајот на третата четвртина. Во последниот период, Партизан заигра многу поцврсто во одбраната, ја забрза транзицијата – со Бонга на чело – додека кај Звезда почна да се чувствува притисокот.

Партизан стигна до своето прво водство уште од резултатот 8:7, кога Вашингтон погоди за 73:72 на две минути до крај. Батлер погодни важна тројка за Звезда, но Вашингтон повторно одговори со атрактивно решение еден-на-еден.

Во клучниот напад на Звезда, Нвора ја загуби топката, а по долг обид да се направи фаул, Вашингтон на 9,5 секунди до крај погоди двете слободни фрлања. Батлер имаше шут за израмнување, но фрли „ер-бол“ и шансата за продолжение исчезна.

Партизан го слави големиот пресврт – Звезда остана без одговор за феноменалната игра на Вашингтон во финишот.