Годишниот концерт на „Битрикс“ ќе се одржи во МКЦ
„Битрикс“ се повеќекратни шампиони на локални, регионални, интернационални и светски натпревари. Тие се креатори на платформите „Битрикс Танцова лига“, „Битрикс спешлс“, „ВАДА – Виртуелна американска танцова академија“ со Амбасадата на САД, „Позитивен рефрен“ со „Europe House Skopje“, и други.
Креатори се на многу танцови претстави во мешани жанрови, меѓу кои и најуспешната „Тишина“, премиерно изведена во Националната опера и балет во 2018 година. Со истата претстава, а поддржани од УНИЦЕФ, патуваат низ 15 градови низ С Македонија.
На концертот ќе се претстават танчарите-членови на „Битрикс“ во изведба на танцови кореографии по хип-хоп, современ танц и денсхол, а во кореографија на: Елена Стојкоска, Надја Лукановска, Ива Георгиева, Михаела Дамчевска, Ана Ковачка, Теодора Ковачка, Мила Стојановска, Јана Лукровска, Никола Игновски и Ивана Балабанова.
Годишниот концерт на „Битрикс“ ќе се одржи на 27 јуни 2022, со почеток во 20 часот, во МКЦ.