Ѓоковиќ се доближува до светскиот рекорд на Штефи Граф
Српскиот тенисер Новак Ѓоковиќ денеска ја започна 333 недела на врвот на АТП ранг листата.
Така ја престигна Мартина Навратилова на второто место на вечната листа кога се погледнат АТП и ВТА заедно.
Пред Ѓоковиќ е само уште една тенисерка, Штефи Граф, која помина 377 недели на врвот.
Што се однесува до актуелната АТП листа, зад Ѓоковиќ е Данил Медведев, од кого српскиот тенисер има 1.893 поени повеќе. Следуваат Рафаел Надал и Стефанос Циципас, а првата петорка ја заокружува Александар Зверев кој го освои олимпиското злато во Токио.
АТП листа:
1. Новак Ѓоковиќ (Србија) 12,113 поени
2. Данил Медведев (Русија) 10,220
3. Рафаел Надал (Шпанија) 8,270
4. Стефанос Циципас (Грција) 8,000
5. Александар Зверев (Германија) 7.340
6. Доминик Тим (Австрија) 7,095
7. Андреј Рубљов (Русија) 6,005
8. Матео Беретини (Италија) 5,488
9. Рожер Федерер (Швајцарија) 4,215
10. Денис Шаповалов (Канада) 3,625