24-годишен жител на Гевгелија доби кривична пријава откако, според пријавеното во полиција, во понеделникот во викендичка во село во околината на градот силувал негова сограѓанка и врсничка под закана со секира, соопшти полицијата.

„ОВР Гевгелија поднесе кривична пријава против Д.П.(24) од Гевгелија поради постоење основи на сомнение за сторено кривично дело „силување”. На 19.12.2022 во викенд куќа во гевгелиско село, пријавениот физички нападнал 24-годишна девојка од Гевгелија, по што со закана со остар предмет извршил обљуба врз неа“, пишува во полицискиот билтен.

На осомничениот му е одреден 30-дневен притвор.

Обвинителството во четврток соопшти дополнителни детали за грозоморниот случај:

Монструозно: Гевгеличанецот ја давел и тепал, па ја силувал жртвата неколку пати, по што ѝ ја запалил облеката и телефонот за да ги прикрие трагите