Германската амбасадорка Холштајн замина од земјава: Довидување, ќе ми недостасуваат добрите луѓе
Германската амбасадорка Анке Холштајн замина од земјава. Таа на својот Твитер профил вчера напиша порака со збогување во која истакна дека таа ја напушта Северна Македонија по две и пол години минати во земјава.
– Ќе ми недостасува одличниот тим, гостопримливите луѓе и прекрасните пејсажи и предели. Многу пријателства ќе останат. Горда сум на македонско – германски односи. Со нетрпение ги очекувам новите предизцици во Москва. Пријатно! – напиша на својот Твитер профил германската амбасадорка во заминување Анке Холштајн.
Германската амбасадорка неодамна на прошталната средба со македонскиот министер за надворешни работи Бујар Османи истакна дека Германија и понатаму силно и одлучно ќе ја поддржува европската иднина на Северна Македонија
Good bye, doviduvanje, mirupafshim! Leaving beautiful 🇲🇰 after 2 1/2 years. Will miss my great team, the welcoming people, the wonderful countryside. Many friendships will remain. Proud of 🇲🇰-🇩🇪relationship. Looking forward to new challenges as DCM in Moscow. Prijatno! pic.twitter.com/2nMGaB0aP2
— Anke Holstein (@GermanAmbSkopje) January 23, 2023
Од Министерството за надворешни работи (МНР) во тој контекст пак соопшти дека таа остварила средба со министерот Бујар Османи, кој ѝ се заблагодарил за нејзиниот досегашен ангажман и придонес за развој на билатералните односи меѓу Северна Македонија и Германија.
