Германија забрани емитување на руската телевизија РТ на германски
Германската радиодифузна канцеларија го забрани емитувањето на германската верзија на рускиот медиум РТ во Германија.
Препорачано
„Нема дозвола за емитување на оваа програма во Германија, ниту пак досега било поднесено барање за емитување“, се вели во соопштението на Комисијата за контрола и лиценцирање на јавниот пренос на радио и ТВ програми во Германија.
Програмата на германски е отстранета од каналот на Јутуб
РТ (поранешен Russia Today) во Германија досега се емитуваше на неколку канали, како и преку Јутуб каналот. РТ се осврна на лиценцата за емитување во Европа издадена на оваа програма од властите во Србија.
Германската радиодифузна канцеларија дојде до заклучок дека РТ нема дозвола која би го оправдала емитувањето во Европската унија.
Во меѓувреме, програмата РТ на германски јазик е отстранета од Јутуб, како и од сателитската програма Eutelsat.
„Тие не се ниту независни, ниту непристрасни“
Некои од условите за издавање дозвола за радиодифузија во Германија се непристрасност и независност од државни институции или политички партии. Меѓутоа, набљудувачите сметаат дека РТ е под директно влијание на рускиот државен врв, кој го користи овој канал за пропагандни цели.
