Германската полиција уапси 49-годишен маж осомничен за убиство на работник на бензинска пумпа во градот Идар-Оберштајн по расправија за заштитна маска, пренесува АП.

Властите велат дека осомничениот и рекол на полицијата дека реагирал од гнев откако 20-годишен работник побарал од него да стави маска.

„За време на сослушувањето, тој исто така изјави дека ги одбил да ги почитува мерките воведени против ковид -19“, се вели во соопштението на полицијата.

Задолжителното носење на маската во затворени простории е една од мерките воведени во Германија за сузбивање на ширењето на коронавирусот.

Според полицијата, осомничениот првично ја напуштил пумата по расправија, но повторно се вратил со маска на лицето, по што го застрелал работникот, а потоа побегнал од местото на злосторството.