Георг Стојановски блесна со хет-трик за опстанок на Спартак
Македонскиот фудбалер Георг Стојановски имаше блескав финиш на сезоната во бугарскиот шампионат и со хет-трик му обезбеди опстанок на Спартак Варна. Во последното коло од првенството, тимот од Варна славеше убедлива победа од 3-0 против Локомотив Софија, а сите три погодоци беа дело на 22-годишниот македонски напаѓач.
Препорачано
-
1
-
2
-
3
Поранешниот фудбалер на Вардар, Тетекс, Хата, Работнички и Шкупи првиот гол го постигна уште во осмата минута, вториот следуваше во 30., додека конечните 3-0 ги постави во 62. минута од средбата.
Тренерот Ѓоко Хаџиевски го повлече од игра пред крајот на натпреварот, а Стојановски беше испратен со аплаузи од домашните навивачи по одличното издание.
Со трите погодоци во последното коло, Стојановски ја заврши сезоната како најдобар стрелец на Спартак со вкупно осум гола, на кои додаде и три асистенции. Воедно, македонскиот интернационалец одигра клучна улога во борбата за опстанок, бидејќи неговиот тим го искористи киксот на Септември Софија и со бод повеќе го освои 12. место на табелата, избегнувајќи и бараж за опстанок.
Преговорите се во завршна фаза, Брегалница наскоро добива нов сопственик
