Џенаро Гатузо би можел многу брзо да се врати во клупскиот фудбал по разделбата со репрезентацијата на Италија, а според италијанските медиуми, најсериозен кандидат за негов ангажман е Торино.

Клубот од Торино, наводно, веќе подготвил конкретна понуда за поранешниот италијански селектор. Станува збор за договор до 2028 година, со можност соработката да биде продолжена и на дополнителна сезона.

Во финансискиот пакет е предвидена плата од 1,5 милиони евра годишно, како и бонуси поврзани со резултатите на тимот. Интересно е што Гатузо идентична сума заработуваше и додека беше тренер на Хајдук Сплит, додека на селекторската функција имаше нешто повисоки примања.

Според најавите од Апенините, искусниот стратег наскоро треба да ја донесе конечната одлука, а доколку ја прифати понудата, ќе го преземе Торино веднаш по крајот на актуелната сезона.

Хаос во Реал Мадрид: Валверде се степал со Чуамени и завршил во болница

Баерн со право не добил пенал по играта со рака на Невеш, велат правилата на ИФАБ