Атмосферата во соблекувалната на Реал Мадрид станува сè понапната пред големото дерби со Барселона, а шпанските медиуми пишуваат за нов сериозен конфликт меѓу Федерико Валверде и Орелијан Чуамени.

Според информациите на „Марка“, двајцата фудбалери повторно влегле во жестока расправија која прераснала во физичка пресметка, поради што морале да интервенираат и нивни соиграчи за да спречат поголем инцидент.

Медиумите во Шпанија тврдат дека ситуацијата била далеку посериозна од претходниот конфликт меѓу двајцата и дека по инцидентот Валверде завршил во болница поради повреда која барала лекарска интервенција.

Целиот случај предизвикал вистински аларм во клубот, па веднаш по случувањата бил организиран кризен состанок во тренинг-центарот на „кралскиот клуб“. Според извештаите, ниту еден играч не смеел да го напушти комплексот додека траел разговорот, а раководството на Реал сериозно размислува и за дисциплински мерки.

Дополнителен притисок за мадридскиот гигант претставува и фактот што викендов го очекува ново „Ел Класико“, натпревар во кој Барселона може и математички да ја завери шампионската титула во Ла Лига.

🚨 𝗕𝗥𝗘𝗔𝗞𝗜𝗡𝗚: Aurelien Tchouameni and Fede Valverde got into another FIGHT today. They had a fight yesterday, but today’s fight was WORSE.

Fede Valverde went to the HOSPITAL after the fight. Real Madrid are now holding an emergency meeting.

— @marca pic.twitter.com/FF5UssuQqu

— The Touchline | 𝐓 (@TouchlineX) May 7, 2026