Гана на Мундијалот ќе ја води поранешен тренер на Реал и Манчестер јунајтед
Фудбалска Федерација на Гана донесе одлука за селекторската позиција пред претстојниот Мундијал, откако го официјализираше ангажманот на Карлос Квеирош. Искусниот 73-годишен стратег прифати краткорочен договор со важност до крајот на Светското првенство 2026.
Препорачано
Португалецот, кој во кариерата ги водеше и Реал Мадрид и Манчестер Јунајтед, последно работеше во Оман, од каде неодамна замина. Со прифаќањето на оваа улога, Квеирош ќе го запише својот петти настап на мундијалите, израмнувајќи се со легендарниот Бора Милутиновиќ.
Во својата богата кариера, тој ја предводеше Португалија на Светското првенство во Јужна Африка, додека со Иран настапи на турнирите во Бразил, Русија и Катар.
Најзабележителен резултат оствари на Светско првенство 2010, кога со Португалија стигна до осминафиналето, каде што беше елиминиран од Шпанија.
Гана ќе настапи во групата Л на претстојниот мундијал, каде што за ривали ќе ги има Англија, Хрватска и Панама.
🚨Carlos Queiroz appointed Head Coach of the Black Stars 🇬🇭🌟
The experienced Portuguese tactician will lead Ghana at the 2026 FIFA World Cup, bringing vast international and World Cup experience to the senior national team.
✍🏾 https://t.co/TMXiElosOG#BlackStars pic.twitter.com/0UMULXf7uI
— 🇬🇭 Black Stars (@GhanaBlackstars) April 13, 2026
