1 C
Скопје

Галикул: Награда „Тодор Чаловски“ за „Ќе фатит бран“ на Д.А. Лори

Новата поетска книга „Ќе фатит бран“ од поетесата Долорес Атанасова-Лори е добитник на наградата „Тодор Чаловски“ за 2019-2020 година во областа на поезијата, книжевната критика, есеистиката и креативните прозни форми. Наградата, како што соопштија од Здружението за литература, култура и уметност „Галикул“ и Галичката книжевна колонија, се доделува во знак на почит и сеќавање кон ликот и делото на нивниот основоположник и еден од најистакнатите современи македонски писатели Тодор Чаловски (1945-2015).

Поетесата Долорес Атанасова-Лори е родена во 1974 во Германија, каде што го поминува своето најрано детство. Со нејзиното семејство се враќа во Охрид, каде што го завршува средното образование, а во 1993 во Скопје запишува студии по англиски јазик и книжевност. Оттогаш живее и работи во Скопје како професор по англиски јазик.

Прочитајте и...  Театарска премиера: Приказна за оперската дива што живеела во заблуда

Песните на Д.А. Лори првпат биле објавени во „Букбокс“, по што следува соработка со издавачката куќа „Блесок“, за која во 2014 година ја издава својата прва збирка поезија „Будење во трето лице еднина“. Во 2016 од печат излегува „Со ветрот под рака“, во издание на издавачката куќа „Антолог“, а во 2019 излегува нејзината трета книга „Небо во кафез“. Нејзини песни се објавувани во поетската збирка „100.000 поети за промена“ и е-книгата „Поетискон“, како и на страната на „Словокулт“, онлајн магазин за уметност и литература, и „Fixpoetry“, германска платформа за литература на интернет.

Долорес Атанасова-Лори е добитник на интернационалната награда „Антево Слово“, која за првпат беше доделена во 2017 во рамките на италијанската поетска манифестација „Ангело ла Векија“. Досега нејзината поезија е преведена на германски, англиски, српски и шпански јазик.

Прочитајте и...  Роман на годината: Девет дела го минаа вториот круг за престижната награда

Наградата „Тодор Чаловски“ има за цел да даде придонес во континуираното унапредување на современата македонска поезија и збогатувањето на македонската современа култура и, воедно, да ја промовира наградата „Тодор Чаловски“. Досегашни лауреати на наградата се Марта Маркоска (2015/2016), Иван Антоновски (2016/2017) и Биљана Стојановска (2017/2018). Реализацијата на издавачката програма на „Галикул“ и традиционалната манифестација „Галичка книжевна колонија“ се подржани од Министерството за култура на РС Македонија и Месната заедница „Галичник“.

(Текстот е објавен во „Културен печат“ број 64, во печатеното издание на „Слободен печат“ на 16-17 јануари 2021)

Поврзани вести

Изложба на ДЛУМ: „Современа скулптура“ во уметничкиот центар „Арт хаб“

Тони Димков

Роман на годината: Девет дела го минаа вториот круг за престижната награда

Тони Димков

Виртуелен музеј: Архива на делата на Стефан Сидовски-Сидо е ставена на интернет

Тони Димков

Министерство за култура: Рекорден број апликации за државна поддршка

Тони Димков

Театарска премиера: Приказна за оперската дива што живеела во заблуда

Тони Димков

Излезе „Културен печат“ број 70 во весникот „Слободен печат“

Тони Димков

Остави Коментар