Стотици православни верници попладнево пред храмот „Рождество на Пресвета Богородица” во Скопје ја пречекаа иконата на Пресвета Богородица -„Троеручица“, која пристигна од светогорскиот манастир „Хиландар“.

Иконата ја пречекаа Неговото блаженство архиепископот охридски и македонски г.г. Стефан и голем број свештени лица и верници. По вечерната богослужба се одржа литија низ центарот на Скопје на која се приклучија голем број на верници.

Иконата ја донесоа монасите Агатон, Атанасиј и Иринеј од Скопската епархија, кои со благослов на поглаварот на Македонската православна црква-Охридска архиепископија. г.г. Стефан, престојуваа во светогорскиот манастир „Хиландар“. Тие денеска претпладне во придружба на хиландарскиот игумен, архимандрит Методиј, со дел од манастирското братството, тргнаа со иконата од Света Гора.

Пречекот на иконата „Троерачица“ се случува во навечерието на празникот Рождество на Пресвета Богородица.