Денеска во дербито од 22 коло во најдобрата македонска машка ракометна Супер лига во салата „Автокоманда“ во Скопје екипата на Вардар 1961 триумфираше над Алкалоид со 28:25.

Алкалоид беше тимот кој прв постигна гол (1:0) преку Борзаш, но Вардар беше тој воглавно одржуваше позитива до крајот на првото полувреме.

„Црвено-црните“ постепено имаа гол разлика, а за првпат во седмата минута со погодокот на Малус дојдоа и до „плус два“ (5:3).

При 8:6 по 12 минути игра, домаќините врзаа два погодоци преку Борзаш за израмнување и радост кај навивачите на Алкалоид.

Егал беше и во 18 минута кога реализираше Велковски, но се вратија играчите на Чупиќ на плус два со головите на Митровиќ и Франциско Да Силва (12:10). По првото полувреме Вардар имаше минимална предност од 14:13.

На стартот од вториот дел фуриозно почнаа ракометарите на Лазаров со серија од 4:0 за преземање на водството од 18:16, а нешто подоцна имаа и 19:17.

Следуваше одговорот на Вардар кој исто така имаше поддршка од своите навивачи дојдени во Автокоманда, при негатива од 20:19, направи серија од 4:1 за нова позитива на семафорот од 23:21.

Се врати за момент Алкалоид за ново израмнување со головите на Велковски и Митев за одржување на шансите на овој меч.

Вардар дефинитивно дојде на ова гостување со амбиции да слави победи, со константност во играта што ја покажуваше во текот на сите 60 минути. Повторно дојде на „плус два“ на пет минути до крајот на овој дуел преку Малус и Франциско да Силва.

Алкалоид го даде сиот максимум за да направи целосен пресврт, но сите негови налети успеа да ги запре Вардар кој дојде до 21 победа сезонава и до нови бодови во трката за титулата.

Најрасположен во победничките редови беше Малус со 10 погодоци, следен од Митровиќ со шест. Значаен придонес имаше и Валах со 11 одбрани. На спротивната страна доминираше Борзаш кој девет пати се запиша во листата на стрелците.

На табелата пред стартот на последната фаза од шампионатот, Вардар е на врвот со 42 бодови, додека Алкалоид е на четвртото место со 35.