Со свечена церемонија пред Спортскиот центар „Јане Сандански“ денеска официјално заврши Европскиот младински олимписки фестивал „Скопје 2025“, од 21 до 26 јули се организираше најголемиот мултиспортски настап досега одржан во Македонија.

Беа здружени младите спортисти од цела Европа во духот на фер-плеј, пријателство и солидарност, настан што го зближува континентот преку спорт, култура и солидарност.

Македонија беше претставена од 181 млад спортист – најголемата делегација на EYOF во земјата досега. Од нашите натпреварувачи најблиску до медал беше таеквондистката Душица Бреслиева која оствари победи и стигна до четвртфиналето.

Над 4.200 млади спортисти од 50 европски земји, се натпреваруваа во 15 различни спортски дисциплини. Италија беше најуспешната земја на ЕМОФ 2026 со најмногу освоени златни медали, вкупно 19.

Топлото време во главниот град претставуваше дополнителен предизвик за учесниците, но тие покажаа издржливост и концентрација во текот на нивниот престој и во своите настапи.

Ова беше 18 издание на Европскиот младински олимписки фестивал, а следниот ќе се организира во 2027 година во Лињано, Италија.

Обвинувања за лошата организација на ЕМОФ – Ристовски се оградува, Арсовска му порачува „срамот е ваш“

ГАЛЕРИЈА: ЕМОФ не е само спортски настан – нуди и културна програма, фан-зони, едукативни и интерактивни работилници

Италија освои најмногу златни медали на Европскиот младински олимписки фестивал

ЕМОФ „Скопје 2025“ – Италијанец жестоко го нападна организаторот: Срамни услови, распаднати објекти, зарем е можно во денешно време…