Универзитетската Клиника за гинекологија и акушерство во Скопје ги потврди инфрмациите на Левица дека ноќта минатиот петок на ГАК снемало струја, при што и инкубаторите, кои ги обезбедуваат фундаменталните услови за преживување на предвреме родените бебиња, престанале да работат.

„На 28 март имаше кус прекин со напојувањето на електричната енергија во една од просторииите на Одделението за интензивна нега и терапија, но веднаш е постапено по сите протоколи. Затоа клиниката е подготвена согласно протоколите веднаш да реагира при што ниту еден живот на ниту едно новороденче не беше загрозен. Клиниката располага со современ систем на напојување на електрична енергија во случаи на рестрикција на струја. Бебињата си ја добиваа потребната терапија и потребната количина на кислород без застој“, информираат од клиниката.

Оттаму велат дека простор за загриженост нема во ниту еден миг за здравјето на бебињата или на другите пациенти кои се хоспитализирани на клиниката.

Во засегнатата просторија во моментот имало 6 новороденчиња, велат од ГАК.

Левица бара одговор од директорката на ГАК: Дали инкубаторите за бебиња престанале да работат поради прекин на струја?