Maкедонскиот шампион, Струга Трим Лум по засилувањата од Брегот на Слоновата Коска, Уганда, Нигерија и Гана денес објави дека се засилува со фудбалер од Буркина Фасo.

Ново име во Струга е напаѓачот Басиру Кампаоре. Кампаоре е фудбалер кој има 25 години и во Струга доаѓа од нисколигашот Талавера кој во последниот период играше во третата и четвртата лига на Пиринеите.

По почетоците на кариерата во неговата татковина играше уште во Мароко и Тунис. Со Струга потпиша договор за една сезона со опција да се продолжи соработката идното лето.