ФРЧАТ ОГЛАСИ ЗА ВРАБОТУВАЊЕ: Реални потреби или партиски вдомувања

Од инспектори, до портпароли, архивари, благајници, социјални работници, даночници, сметководители, психолози, но и раководители на правни сектори, соработници со невладините организации. Ова се работните позиции кои деновиве ги бараат дел од oпштините и државите институции. Огласите кои ги разгледа „Слободен печат“ објавени само за овој месец се за над 200 вработувања. Објавени се на интернет страницита на Агенцијата за администрација, www.prijava.aa.mk. Најголемиот дел од нив се сè уште отворени. Во нив се нуди плата од 15.000 денари за почетниците, па се до 37.000 денари за повисоките работни позиции.

Најмногу побарувања за работници има градоначалникот на општина Струга, Рамиз Мерко. Неговата општина распишала оглас за 30 државни службеници. И на скопскиот градоначалник Петре Шилегов му требаат 21 работник. Од нив најмногу инспектори. На охридскиот, Константин Георгиевски и на градоначалникот на Карпош Стефан Богоев им требаат по 10 нови работници. Општината Ресен распишала оглас за 8, а Делчево и Свети Николе бараат по еден вработен.

Прочитајте и...  МФ изработи прирачник „Купувам домашно" со објаснување што се спаѓа во домашни производи

Огласи има и за вработувања во државните институции

Во огласот на Агенцијата за финансиска поддршка во земјоделството и руралниот развој пишува дека им требаат 22 службенци. Министерството за правда распишало оглас за 9 нови вработувања. Од нив, еден ќе биде раководител на сектор за општи работи со плата од 37.631 денар, и 8 соработници за бесплатна правна помош во скопски Центар, Радовиш, Пробиштип, Кавадарци, Гевгелија, Македонски брод, Демир Хисар и Прилеп. За соработнците платата е 22.020 денари.

Агенција за примена на јазикот што го зборуваат најмалку 20 проценти од граѓаните, бара 8 државни службеници, меѓу нив лектори и портпароли.

Антикорупциска комисја ќе вработува еден информатичар, и уште 4 јавни службеници,  Управата за финансиска полиција ќе го јакне секторот за човечки ресурси со 2 извршители од кој едниот ќе биде раководител, а другиот ќе му биде помошник. Во огласот стои дека платата на првиот е 37.630 ден а на вториот 32.765 денари. И Клинката за деца Козле распиша оглас за 4 службеници. Управата за финансиско разузнавање бара архивар, со плата над 15 илјади денари и да биде од турската националност. Драмски театар бара 3 вработени. Од нив еден да биде од ромска националност и двајца од албанска.

Прочитајте и...  Бројот на новозаразени и натаму висок, Филипче информира дека секаде каде се попуштаат мерките пандемијата не спласнува

Според ВМРО-ДПМНЕ, новите огласи на општините и инстиутциите зачестиле откако партиите кај шефот на државата Стево Пендаровски се договориле за избори на 12 април догодина. Па така, од таму велат дека наместо европски вредности, сме биле сведоци на вандалско и расипничко искористување на буџетските пари за партиски цели. Од опозициската партија обвинуваат дека од 20.10.2019 година до денес, биле објавени над 1.200 јавни огласи за вработување, за над 2.200 извршители во институции, на определено и неопределено работно време.

СДСМ ги отфрла ваквите обвинувања и вели дека ВМРО-ДПМНЕ во континуитет е против се` што е во интерес на граѓаните.

„ВМРО-ДПМНЕ е против минималната плата, против раст на платите во приватниот сектор. Времето на превработување на администрацијата поради партиски цели и добивање на повеќе гласачи за избори ќе остане запаметено како времето на ВМРО-ДПМНЕ. Денес, секоја институција вработува според индивидуалните потреби, дали за нови работни позиции поради зголемен обем на работа и формирање на нови сектори, како и замена на постоечките со нови вработени поради пензионирање“, велат во СДСМ.

Прочитајте и...  Њујорк пост: Еден од десет пациенти никогаш нема да го вратат чувството за мирис и вкус

Прочитај повеќе

Филипче: Болницата во Кавадарци пример за одговорно работење (ФОТО)

Слободен печат

Болсонаро го одобри законот за задолжително носење маска на јавни места

Слободен печат

Изработен прирачник „Купувам домашно“ со објаснување што сè спаѓа во домашни производи

Слободен печат

Северна Кореја ги отфрли надежите за продолжување на преговорите со САД

Слободен печат

Ново жариште во Италија: Се вратил од Косово и место да седи во самоизолација, правел забава

Слободен печат

Белградската „Штарк арена“ повторно станува ковид-болница

Слободен печат

Остави Коментар

Прочитај повеќе

Вице Заев: Објавените разговори се рекла-кажала лаги од трети лица

Слободен печат

Во Хрватска нови 86 заразени со корона вирус

Слободен печат

На протест во Рим здружните десничарски партии побараа предвремени избори

Слободен печат

Николоски од Прилеп: ВМРО-ДПМНЕ нема да дозволи увоз додека не се откупи домашниот тутун

Слободен печат

Во Црна Гора се одложуваат молитвите, литиите и другите собири на СПЦ

Слободен печат

МФ изработи прирачник „Купувам домашно” со објаснување што се спаѓа во домашни производи

Слободен печат