Доколку Либан формално би ја признал државата Израел, во замена би добил гаранции дека израелските воздушни напади ќе престанат а израелската војска во исто време ќе се повлче од пет стратешки локации на југот на земјата. Ова маѓудругото се наведува во францускиот мировен предлог за Либан и Израел, пишуваат израелски „Хаарец“  и американскиот портал „Аксиос“.

Неодлучноста на Нетанјаху и американскиот притисок

Според извор цитиран од „Хаарец“, израелскиот премиер Бенјамин Нетанјаху сè уште не е одлучен дали да го прифати францускиот план. Весникот додава дека официјални лица во Вашингтон проценуваат дека американското „трпение“ за војната во Либан ќе истече штом ќе заврши „главната“ војна против Иран.

Ова создава краток временски период за преговори со Либан, чија влада, според „Хаарец“, веројатно би платила висока дипломатска цена за невиден потег како што е официјално признавање на Израел.

Политичка декларација како прв чекор

„Аксиос“ од друга страна известува дека францускиот предлог бара Израел и Либан, со посредство на САД и Франција, да започнат преговори за „политичка декларација“. Целта би била да се постигне договор за таа декларација во рок од еден месец.

Инаку, актуелната војна меѓу Израел и Либан започна на 2 март, откако Хезболах испука ракети во северен Израел. Нападот дојде како одговор на израелските напади врз Иран, во кои беше убиен врховниот лидер на Иран.