ФОТО+ВИДЕО | Топла приказна: Пантер и ротвајлер се неразделни
Повозрасните честопати ја користат фразата „како маче и куче“ кога сакаат да опишат двајца луѓе кои не се поднесуваат. А да не зборуваме ако станува збор за пантер и куче.
Сепак, пантерот Луна и кучето Венца се доказ дека таква дружба и те како е возможна.
View this post on Instagram
Луна била отфрлена од нејзината мајка, па поради тоа не можела да престојува во Зоолошката градина во Сибир, каде што била родена. Викторија Петровова, која е експерт за животни од семејството мачки, решила да ја вдоми и да ѝ подари убав живот.
Штом Луна пристигнала во домот на Викторија, кучката Венца, од расата ротвајлер, веднаш ја прифатила и почнала да се однесува со Луна како да е нејзино милениче.
View this post on Instagram
Уште од првиот момент на нивното запознавање, било јасно дека се работи за нешто посебно – Венца се обидела да ја лиже Луна, исто како што би правела со нејзините мали кученца. Од тој момент, Луна и Венца станале неразделни.
И покрај тоа што е голема, Луна е срамежлива и секогаш е внимателна во игрите со Венца.