Македонската пејачка Сузана Гавазова (44) и нејзиниот сопруг Јасмин Курузовиќ викендов ѝ приредија тематска „Барби“ забава на својата ќерка Емили, по повод нејзиниот 10. роденден.

Со украси и балони инспирирани од култната кукла и розева роденденска торта, малечкото девојче го прослави својот роденден со најблиските другарчиња покрај Дојранското Езеро.

„Замисли нешто најубаво, најслатко, додади на тоа бесконечност, прошири го со вечност и украси го со ѕвезди. Само тогаш ќе знаеш што ти посакувам.

Среќен 10. роденден ќеркичке наша, да си ни жива и здрава! Те сакаме наша Емили“, напиша пејачката во описот на фотографиите.

Славеничката била облечена во долг виолетов фустан, налик оние кои ги носи куклата Барби, а Гавазова се одлучила за бел фустан и бела каубојска шапка, слична на онаа која ја носеше актерката Марго Роби во блокбастерот „Барби“ („Barbie“) минатата година.