По речиси три недели од трагедијата во Кочани, денеска семејствата на настраданите во пожарот во дискотеката „Пулс“, организираа протест насловен како „Марш за Ангелите“.

Собирно место беше Паркот на Револуцијата, а потоа присутните се упатија кон Трговскиот центар, Општина Кочани, Одделението за внатрешни работи, сѐ до локацијата на која маршот заврши – Основниот суд и обвинителството во Кочани.

 

View this post on Instagram

 

A post shared by SLOBODEN PECAT (@slobodenpecat)

Семејствата заедно со сограѓаните, кои се придружија во огромен број, движејки се низ улиците во градот, држејќи фотографии и транспаренти побараа правда за прерано згаснатите животи на нивнте ќерки, синови, внуци, братучеди, другари, сограѓани…

Снимките ја опишуваат траорната атмосфера, немаме зборови со кои можеме да го прикажеме денешниот протестен марш, раскажуваат колегите и новинари Драган Николов и Дарко Михајлов од Радио Кочани, со кои Слободен печат известува за денешниот марш.

Со фотографии од загинатите, граѓаните со молчење, плач и трансапренти порачаа „Стоп за селективната правда“, „Коруптивниот систем ги уби нашите деца“, „Ова не е несреќа, ова е убиство“, а семејствата, како што соопштија и во самата најава, порачаа дека ќе се борат до крај за правда за своите деца и нема да застанат ниту за момент.

„Слободен печат“ известува во соработка со Радио Кочани.