ФОТО+ВИДЕО | Капетан Кирк конечно летна во вселената: Вилијам Шатнер стана најстариот човек кој бил во вселената

Фото: EPA-EFE/BLUE ORIGIN

Холивудскиот актер којшто се прослави со улогата на Капетан Кирк во култниот телевизиски серијал „Ѕвездени патеки“, Вилијам Шатнер со своите 90 години стана најстарата личност којашто отпатувала во вселената, откако тој денеска беше дел од екипажот на вториот комерцијален лет на компанијата на Џеф Безос, „Блу ориџин“.

Од полетувањето до слетувањето, патувањето траело само 10 минути. Екипажот доживеал околу три минути бестежинска состојба на врвот на патеката за летање, пред нивната капсула да распореди падобрани за да го забави нивното спуштање и да се допре во близина на местото за лансирање во Тексас, објави Си-Ен-Ен.

– Толку сум исполнет со емоции за ова што се случи. Тоа е извонредно, извонредно. Се надевам дека ќе можам да го одржам ова што го чувствувам сега. Не сакам да го изгубам. Тоа е многу поголемо од мене и животот, му кажа 90-годишниот Шатнер низ солзи-радосници на Безос по слетувањето.

Фото: EPA-EFE/BLUE ORIGIN
Фото: EPA-EFE/BLUE ORIGIN
Фото: EPA-EFE/BLUE ORIGIN

ВИДЕО | Што правеше Безос во вселената? Се забавуваше за сите пари

Видео на денот