Неколку стотици жители на виничкото село Блатец денеска преку протестна блокада порачаа дека нема да дозволат на реката Блатешница да се изгради хидроцентрала, за што Владата дала концесија на приватна фирма од Кочани.

На блокадата денес дојдоа и стари луѓе, но и многу млади, кои застанаа рамо до рамо во, како што велат, „одбрана на нашето“.

„Масовно, сложно и достоинствено застанавме на барикадите против изградбата на хидроцентралата. Ова не е борба од инает, туку борба за вода, за природа и за иднината на нашите деца. Одлучни сме дека за Блатец не се преговара. БЛАТЕЦ НЕ Е НА ПРОДАЖБА. Добивме и силен ветер во грб. Градоначалникот на Општина Виница – Митко Костадиновски присуствуваше на протестот, застана со народот и ни даде јасна поддршка, како и уверување за институционална помош со цел што побрзо да се реши оваа ситуација. Ова е гласот на народот. Ова е одбрана на нашето. Огромна благодарност до сите телевизии, медиуми и портали што денес беа со нас и известуваа во живо. Благодарение на вас, гласот од барикадите стигна до секој дом. Борбата продолжува“, велат жителите на Блатец во објава на социјалните мрежи.

ВИДЕО | Жителите на Блатец на стража за Блатешница: Реката е живот, не дозволуваме хидроцентрала