ФОТО+ВИДЕО | Дошол да гласа за претседател на Турција, па ја запросил девојката
Во Турција актуелни беа претседателските избори. Во вториот изборен круг медиумите пренесоа дека повторно победи Реџеп Таип Ердоган.
Но, во вториот круг од изборите, на избирачкото место во главниот град Анкара беше забележан необичен момент, пренесува „Анадолија“.
Имено, Мехмет Емин Озбеј, пред избирачкото место во локалното училиште, на уникатен начин ја запроси девојката Гизем Есин. Тој и покажал импровизирано ливче за гласање, со заедничка фотографија, прашувајќи ја дали го прифаќа предлогот за брак.
Девојката била видно изненадена, но и пресреќна, па ставилa печат со знакот „да“ на „гласачкото ливче“ и потоа го вметнала во „гласачката кутија“.
Вљубениот Озбеј клекнал на колена и на девојката и подарил свршенички прстен. Целата романтична ситуација била проследена со аплауз, а присутните им посакале среќа во понатамошниот живот.
Девојката во изјава за новинарите рекла дека е изненадена и дека не очекувала вакво запросување.