Пилотката на американските воздухопловни сили Медисон Марш (22) стана првата активна членка на американската војска која победилa на изборот на убавина – Мис Америка.

Таа беше крунисана на церемонија во Орландо, во американската сојузна држава Флорида, објави „Скај њуз“.

Марш, кој има диплома по физика и е студент на училиштето Харвард Кенеди во Кембриџ, ја претставуваше државата Колорадо.

На фејсбук-страницата на Мис Америка се наведува дека мисицата во слободното време е посветена на борбата против ракот на панкреасот, откако нејзината мајка починала од болеста во 2018 година. Исто така, се наведува дека таа е практикант во НАСА и дека добила стипендија за астронаути. Има црн појас и во теквондо.

„Ова му покажува на светот дека жените можат да постигнат сè. Девојките со кои се натпреварував се љубезни, интелигентни и талентирани луѓе, не се сомневам дека тие ќе ја водат Америка, без разлика дали е тоа политика, бизнис, филантропија, што и да е“, наведе таа Инстаграм.