Ирскиот актер Килијан Марфи позираше за магазинот „Џи-кју“ и со тоа воодушеви многу обожавателки кои денес го сметаат за секс симбол.

Марфи ја краси насловната страница на мартовското издание на „Џи-кју“, а познатиот магазин објави фотографии од актерот на социјалните мрежи. Во коментарите под фотографиите одговорија бројните фанови на Марфи.

„Го гледав ова видео одново и одново. Тој е толку убав“, „Имај милост“, „Колку секси во едно видео“, „Ова е премногу за мене“, беа дел од коментарите.

Марфи минатата година ја играше главната улога во филмот „Опенхајмер“, а многумина му предвидуваат дека ќе добие Оскар. И покрај тоа што е светска ѕвезда, неговиот приватен живот е тивок, а тој живее во Даблин со сопругата Ивон Мекгинис со која е во брак 20 години и нивните деца.

“Се дружам со неколку актери, но повеќето од моите пријатели не се од оваа работа. Сакам и кога не работам. За мене како актер голем дел од истражувањето се однесува на самото постоење или нормален живот каде правам нормални работи и го набљудувам светот околу мене“, изјави тој за споменатиот магазин и откри дека луѓето често му велат дека е повлечен и дека се однесува како да не сака да дава интервјуа.

“Тоа не е вистина. Сакам да зборувам за работата, за уметноста. Но, мислам дека е непотребно кога некој ќе ме праша: “Кажи ни нешто повеќе за себе”, рекол Марфи, а објаснил и зошто не се фотографира со фановите. Сепак, тој учтиво разговара со секој што ќе му пријде.