ФОТО + ВИДЕО | Хари Стајлс има нова девојка: Повторно фатени заедно со Тејлор Расел
Хари Стајлс и Тејлор Расел ги потврдија неодамнешните гласини со новото заедничко појавување, овој пат на премиерата на нејзината нова претстава, пренесува „Ињуз“(Enews).
Повеќе од еден месец откако ги поттикна гласините за романтична врска, пејачот на „Watermelon Sugar“ бил виден како ја придружува актерката од „Bones and All“ на премиерата на претставата „The Effort“ во Националниот театар во Лондон на 9 август.
Стајлс и Расел, која глуми во претставата, биле фотографирани заедно на гала вечерата на отворањето, разговарајќи меѓу себе и со гостите, меѓу кои бил и пријателот на Стајлс, Џејмс Корден.
Ова се случува неколку недели откако Расел се појави на концертот на Хари во Виена, како дел од неговата турнеја „Love on Tour“. Но, пред да помине време во ВИП просторот за време на концертот, актерката била забележана како се шета со Стајлс во австриската престолнина.
Тоа не е единственото шоу на Хари кое го посетила Расел. Таа минатиот месец заедно со пријателите на Стајлс го гледала настапот на добитникот на Греми во Реџо Емилија во Италија.
Стајлс и Расел, за прв пат предизвикаа гласини на крајот на јуни, кога беа фотографирани како излегуваат од уметничката галерија „White Cube“ во Лондон.