Вистинска драма се одвивала на рутински лет од Тајпеј до Бангкок кога бремена жена добила болки и почнала да се породува.

Пилотот на авионот Јакарин Сарарнакскул излегол од пилотската кабина за да помогне во породувањето на бебето на воздух веднаш штом го информирале за ситуацијата.

„Бебето е родено во воздух“, изјавил полн со гордост пилотот Сарарнаракскул, кој извесно време ја напуштил работата за да помогне во раѓањето на бебето, пишува американскиот весник „Њу Јорк пост “.

Инаку, пилотот Сарарнаракскул е татко на едно дете со 18-годишно искуство во пилотирањето патнички авиони.

Авионот, во сопственост на VietJet Airlines, полетал од Тајпеј, Тајван, за Бангкок, Тајланд, кога се случил невообичаениот настан.

Кога Сарарнаракскул, кој бил информиран дека патничка треба да го роди своето бебе во еден од тоалетите на авионот, го одврзал појасот и, според агенцијата Вирал прес, ја презел улогата на акушер.

Но, прво на негово место го оставил копилотот на авионот. Сарарнаракскул се упатил кон бремената мајка и открил дека таа почнала да се пораѓа.

За пилотот Сарарнаракскул, како што истакна агенцијата, првпат помогнал при породување. Лекарите го чекале авионот кога слетал во Бангкок, Тајланд за да им пружат прва помош на мајката и машкото новороденче кое според медиумите, посадата го нарекла „Скај“, соодветно на ситуацијата во која тоа дојде на свет.

-Многу сум горд што помогнав да дојде на свет, рече одлучниот пилот.

โมเมนต์สุดประทับใจ! คุณหมอประจำสนามบินช่วยทำคลอดสาวบนเครื่องบิน เป็นทารกเพศชาย
.
ผู้ใช้เฟซบุ๊ก Jakarin Sararnrakskul โพสต์ภาพและข้อความว่า “เป็นหมอสนามบินมา 18 ปี เพิ่งได้ช่วยเด็กแรกเกิดบนเครื่องก็วันนี้ล่ะครับ #SKYBABY” pic.twitter.com/ittQeHmYQU

— แนวหน้าออนไลน์ (@naewna_news) February 26, 2024

Што се случува кога бебе ќе се роди во авион?

Според студијата од 2020 година објавена од Меѓународното здружение за патничка медицина, 74 бебиња се родени на комерцијални летови помеѓу 1929 и 2018 година, од кои 71 преживеале породување.

Вакви раѓања се случуваат кај приближно еден на секои 26 милиони патници, според компанијата за медицинска помош во воздухопловството MedAire.

„Породувањето во лет е многу, многу ретко, и кога ќе ги разгледате случаите, тие беа неочекувани – тоа беа предвремено родени бебиња“, вели д-р Пауло Алвес, глобален медицински директор на компанијата. „Не е најдоброто место за вас да имате дете, поради многу причини. Како прво, воздухот е потенок, па на бебето му е потешко да дише. Тоа е како да родиш предвремено дете во Мексико Сити, во однос на надморската височина“. Уште поотрезнувачки: нема пренатални експерти со високотехнолошка опрема за да помогнат ако има вознемиреност за време на раѓањето или ако е потребен итен царски рез; и Евстахиевата туба во ушите на новороденчињата се борат со промените во воздушниот притисок.

Што се однесува до државјанството на дете родено на 36.000 стапки, Алвес од MedAire вели дека и тоа може да варира.

„Не постои универзално правило, но имајте на ум дека авионот се смета за почва на таа земја“, вели Алвес, што значи дека авионот е врзан за земјата во која е легално регистриран, според Конвенцијата за намалување на бездржавјанството од 1961 година. Тоа е техничко, посочува тој, бидејќи во повеќето случаи децата добиваат државјанство на нивните родители преку конвенцијата за jus sanguinis, или право на крв. Ова е политиката која најчесто се следи, иако некои земји се придржуваат до алтернативниот концепт на jus soli, или право на почва, кој на детето му дава државјанство според локацијата на која е родено. Единствениот пат кога правилата на Конвенцијата од 1961 година стапуваат во игра е во ретка прилика кога детето инаку би било без државјанство; во тој случај, земјата на потекло на авиокомпанијата ќе го одреди пасошот. Според Стејт департментот на САД, детето родено во меѓународни води треба да го наведе местото на раѓање како „на море; ако детето е родено во лет во регион за кој ниту една земја не тврди, тој или таа официјално би биле класифицирани како родени „во воздух“. Соединетите Американски Држави, невообичаено, даваат државјанство на секое дете родено во авион над територијата на САД или во нејзиниот воздушен простор.

Бебињата кои се раѓаат во текот на лет од авиокомпаниите добиваат и одредени подароци како бесплатни летови до одредена возраст. Минатата година во јануари мајка се породи при 12-часовен лет на Емирати од Токио Нарита до Дубаи Интернационал.