ФОТО | Спасена жена од урнатините во Петриња: Четири часа копавме да ја извлечеме
Тимот на ЈВП „Новска“ од урнатините во Петриња извлекол жена која останала затрупана во нејзината канцеларија по вчерашниот разорен земјотрес.
„Колку што беше висока вратата, толку внатре имаше цигли и бетон. Четири часа копавме да ја извлечеме. Засега само толку можам да кажам за тоа колку беше тешка интервенцијата“, рекол за 24сата.хр Златко Пјеш од ЈВП „Новска“.
Од јачината на ударот се урнал дел од покривот и ѕидовите на зградата на јавната управа, а вработената останала сама во просторија на вториот кат.
„Кога почна да се тресе, некако успеала да се заштити со помош на фотелја и тоа ја спасило. Ја открија кучињата и некако успеавме да комуницираме со неа. Тогаш почна потешкиот дел, копањето за да ја спасиме“, раскажал Пјеш.
Прво дошле до нејзината глава, што било клучно, а потоа интервенирал докторот кој ѝ дал кислород. Жената била свесна.
„Моравме да ја одржиме будна. Ништо не зборуваше. Ѝ посакуваме многу среќа и брзо опоравување“, рекол Пјеш.