Поминаа само пет дена од неговото заминување од овој свет, но оние кои го познаваа сé уште емотивно се простуваат од него, а оние кои Скопјаниемотивно се препознаваа во неговите песни се уште непрекинато ги преслушуваат. На ден пред неговиот погреб граѓаните на Скопје денес имаа можност да се збогуваат со „Скопјанецот“ на плоштадот Македонија.

Во центарот на Скопје одекна гласот на Аки Рахимовски и песните на Парни Ваљак додека минувачите положуваа цвеќе пред паното поставено од радио Бубамара на кое пишуваше „Тажна е нашата улица…“.

Оние кои имаа последни зборови да ги упатат на рокенрол легендата имаа можност да ги овековечат во отворената книга на жалост. Меѓу нив беа и претседателот на Македонија Стево Пендаровски, министерката за култура Бисера Костадиновска – Стојчевска, поранешниот скопски градоначалник Петре Шилегов, музичарите Александар Митевски и Александар Тарабунов, и актерот Драган Спасов Дац.

Главниот собир со учество на хорови, пејачи и пријатели кои заеднички ќе отпејат некои од најголемите хитови на бендот Парни Ваљак се одржува вечерва со почеток во 18 часот на плоштадот Македонија во Скопје.

Аки Рахимовски почина на 21 јануари 2021 во Словенија на 67-годишна возраст.