ФОТО: Се омажи нобеловката Малала, девојката која Талибанците пред 9 години ја застрелаа во глава
Добитничката на Нобеловата награда за мир во 2014 година, Пакистанката Малала Јусафзаи, се омажи за својот избраник Асер Малик во Бирмингем. На малата тадиционална свадбена церемонија присуствувале семејствата на Малала и на нејзиниот партнер.
„Денес е посебен ден во мојот живот. Асер (Малик) и јас се врзавме да станеме партнери до крајот на животот. Возбудени сме што заедно ќе чекориме по патот којшто е пред нас“, напишала Малала на Твитер, каде објавила и фотографии од свадбата.
Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
📸: @malinfezehai pic.twitter.com/SNRgm3ufWP— Malala (@Malala) November 9, 2021
Пакистанката Малала Јусафзаи на 17 години стана најмладиот добитник на Нобеловата награда во која било област, кога во 2014 година ја сподели Нобеловата награда за мир со индиската активистка за права на децата Кајлаш Сатирахи.
Како ќерка на директор во училиште, таа уште на 11-годишна возраст, во блог за Би-Би-Си, се заложи силно за тоа девојчињата да одат на училиште. Во тоа време пакистанската долина Сват беше упориште на талибанците и Малала го опишуваше својот живот „под чизмата“ на талибанците. Четири години подоцна, на 9 октомври 2012 година е изведен атентат, кога напаѓач влезе во училишниот автобус при нејзиното враќање дома, барајќи ја токму неа и ја застрела со два куршуми во главата и во вратот. Откако беше застрелана, таа им порача на талибанците кои инсистираа на тоа да ја замолчат, дека само го засилиле нејзиниот глас.
Петнаесет годишната Малала преживеа со тешки повреди и беше пренесена во Бирмингем, Велика Британија, каде оттогаш живее заедно со семејството.
Минатата година ги заврши студиите по филозофија, политика и економија на Универзитетот Оксфорд. Малала и натаму се залага за образование на девојчињата.
View this post on Instagram