Руперт Мардок (92), австралискиот медиумски тајкун, се сврши со својата девојка, потврди неговиот тим.

Мардок е во врска со пензионираниот руски молекуларен биолог Елена Жукова (67) веќе неколку месеци. Венчавката, која се очекува да се одржи на неговиот имот во Морага, Калифорнија, оваа година, ќе биде петти брак, но шеста свршувачка за Мардок.

Елена Жукова го познавала Руперт Мардок уште од 2000-тите години, а се запознале во лабораторија. Истражувачот Ли Слајс, кој ја делел канцеларијата со Елена Жукова во УКЛА во 2000-тите, рекол дека „не бил навистина изненаден“ што ја видел Жукова со Руперт Мардок.

Rupert Murdoch (92) just got engaged again, for the 6th time.

This time to Elena Zhukova, a 67-year-old retired molecular biologist. pic.twitter.com/Bv5nc4qD7K

— Mario Nawfal (@MarioNawfal) March 7, 2024

Свадбата е закажана за јуни, а поканите се веќе испратени.

Роден во Австралија, Мардок, наводно, почнал да се забавува со госпоѓица Жукова набргу откако неговата свршувачка со Ен Лесли Смит неочекувано заврши во април 2023 година.

Тие се запознале на забава организирана од една од неговите поранешни сопруги, кинеската претприемачка Венди Денг. Меѓу поранешните сопруги на Мардок беа австралиската стјуардеса Патриша Букер, шкотската новинарка Ана Ман, Венди Денг и американската манекенка и актерка Џери Хол.

Елена Жукова претходно беше во брак со рускиот нафтен тајкун Александар Жуков, додека нивната ќерка Даша – личност од високото општество и претприемачка – беше во брак со рускиот тајкун Роман Абрамович до 2017 година.

Руперт Мардок ја започна својата кариера во Австралија во 1950-тите – на крајот ги купи весниците „Њус оф д ворлд“ и „Сан“ во Велика Британија во 1969 година.

Подоцна купи голем број американски публикации, вклучувајќи ги „Њујорк пост“ и „Волстрит журнал“.

Во 1996 година, тој го лансираше „Фокс њус“ – сега најгледаниот ТВ канал за вести во САД. Преку „Њус корп“, кој беше основан во 2013 година, Мардок останува сопственик на стотици локални, национални и меѓународни медиумски објекти.

Неговата кариера не помина без контроверзии. Еден од најштетните моменти беше озлогласениот британски скандал со хакирање телефони што избувна откако беше откриено дека „Њус оф д ворлд“ ги прислушувал говорните пораки на убиеното девојче Мили Даулер.

Во септември, Мардок објави дека се повлекува од челната позиција во својата медиумска империја – предавајќи ги уздите на своите синови, а подоцна и преземањето на функцијата почесен претседател и на „Фокс“ и на „Њус корп“.

„Њујорк тајмс“ известува дека венчавката на Мардок со Жукова веројатно нема да има мало влијание врз иднината на неговите бизниси, кои се во доверба на неговите четири деца.

Според податоците кои можат да се најдат на интернет, медиумскиот тајкун вреди 18,9 милијарди долари.

Медиумскиот магнат Руперт Мурдок и Џери Хол се разделуваат

ФОТО | Руперт Мардок ќе се жени по петти пат на 92 години