Медиумскиот магнат Руперт Мурдок и Џери Хол се разделуваат

Руперт Мурдок
Руперт Мурдок и Џери Хол / Фото: EPA-EFE/NINA PROMMER

Медиумскиот магнат Руперт Мурдок и неговата сопруга, инаку актерка и поранешен модел, Џери Хол, се разведуваат по шест години брак, пишува „Њујорк Тајмс“.

Тие се венчаа во 2016 година, две години откако Мардок се разведе од претприемачката Венди Денг. Мардок потоа на „Твитер“ напиша дека е „најсреќниот човек на светот“.

Руперт Мурдок
Руперт Мурдок и Џери Хол / Фото: EPA/ANDY RAIN

Веста за разводот шокираше многумина бидејќи парот минатата година изгледаа многу вљубени пред камерите на прославата на 90-тиот роденден на Мардок. Хол е 26 години помлада од Мардок. Портпаролот на Мардок одби да ги коментира наводите, додека соработниците на Џери Хол не беа достапни.

Ова е четврти развод на Мардок

Двојката се венчаше во Лондон во март 2016 година, по пет месеци љубовна врска. Тие организираа, како што тогаш го опишаа британските медиуми, скромна церемонија во „Спенсер Хаус“. За Мардок тоа беше четврти брак (а сега четврти развод), додека Хол претходно не била во брак. Таа беше 22 години во врска со Мик Џегер со кој има четири деца. Мардок од претходните бракови има шест деца.

Руперт Мурдок
Руперт Мурдок и Џери Хол / Фото: EPA/FACUNDO ARRIZABALAGA

Руперт Мардок се оженил со својата прва сопруга, поранешната стјуардеса Патриша, во 1956 година. Двојката се разведе во 1967 година, девет години по раѓањето на нивното единствено дете, ќерката Пруденс. Истата година се ожени со својата втора сопруга Ана, новинарка од Глазгов, со која беше во брак 32 години и имаше три деца. Тие се разведоа во 1999 година.

По разводот на Ана ѝ припаднаа 1,7 милијарди долари, вклучително и 10 милиони долари во готовина. Само 17 дена по разводот, Мардок се ожени со претприемачката Венди Денг со која беше до 2014 година и со која имаше две деца. Мардок имал 68 години за време на нивната венчавка, додека Венди само 30.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот