ФОТО | Почина Ендрју Ранкен, тапанарот на легендарните „Поугз“
Ендрју Ранкен, тапанарот на легендарниот бенд „Поугз“ (The Pogues), почина на 72-годишна возраст. Од него на социјалните мрежи се простија членовите на бендот, на кој му се приклучил во 1983 година.
Препорачано
„Со длабока тага соопштуваме дека почина Ендрју Ренкен, тапанар, основач и срцето на „Поугз“. Ендрју, ти благодариме за сè, за пријателството, духовитоста и твојата големодушност и секако за музиката. Засекогаш искрен пријател и брат. Нашите мисли и љубов се со неговото семејство во овие тажни и тешки моменти“, напишаа од бендот на Икс.
Andrew ‘The Clobberer’ Ranken.
13 November 1953 – 10 February 2026 pic.twitter.com/kgzaVnNDHg
— The Pogues (@poguesofficial) February 11, 2026
Причината за смртта засега не е позната, но славниот тапанар со години се борел со повеќе здравствени проблеми, меѓу кои и хронична опструктивна белодробна болест.
Ренкен почнал да свири тапани на 14-годишна возраст, а подоцна ги запознал основачите на култниот бенд, Шејн Макгоуан и Џем Фајнер, кои го поканиле да им се придружи. Првично ја одбил понудата бидејќи веќе бил главен пејач во бендот „Оперејшн“. Сепак, подоцна се предомислил и во 1983 година станал постојан тапанар на „Поугз“.
The Pogues drummer Andrew Ranken has sadly died aged 72. The talented musician was a founding member of the band, helping bring the first line-up together in 1983. RIP pic.twitter.com/IbIMij9HWc
— Barney Simon (@BarneySimon) February 11, 2026
Неговото име се наоѓа на сите официјални изданија на бендот, од култниот деби-албум „Red Roses for Me“ од 1984 година, па сè до албумот „Pogue Mahone“ од 1996 година.
Минатата година оригиналните членови на бендот, Џејмс Фернли, Џем Фајнер и Спајдер Стејси повторно се собраа, без Макгоуан и Ренкен, за да одбележат 40 години од излегувањето на албумот „Rum, Sodomy & the Lash“. На турнејата им се придружија и повеќе гости, меѓу кои Надин Шах и членови на бендот „Fontaines D.C.“
