Парис Хилтон (43) која во ноември го доби своето второ дете со помош на сурогат мајка, за првпат покажа како изгледа нејзината ќерка Лондон. 

Таа на својот инстаграм-профил сподели неколку фотографии од ќерка си и од целото семејство.

„Ви ја претставувам Лондон Мерилин Хилтон-Реум. Сонував да имам ќерка по име Лондон од кога се сеќавам. Толку сум благодарна што таа е тука што навистина го ценам секој момент што го поминувам со неа. Заедно со Феникс, моите ангелчиња ми покажаа љубов која не ни знаев дека може да биде толку длабока пред да станам нивна мајка. Моето неверојатно патување низ мајчинството инспирираше нова, длабоко лична песна со мојата драга пријателка Сиа наречена ‘Fame Won’t Love You’“, пишaла Парис покрај фотографиите.

„Песната служи како потсетник дека посебната врска што ја чувствувам со моите деца, сопруг и семејство е повредна од што било друго на светот. Тоа е химна која ќе ве поттикне да ги држите вашите најсвети односи уште поблиску до срцето – без разлика дали со семејството, пријателите или со себе. Се надевам дека ќе го сакате исто како и јас“, напиша Парис.

Инаку, ова е нејзиното второ дете со сопругот Картер Реум (42). Двојката веќе го има синот Феникс, кој исто така го добија благодарение на сурогат мајка.

Хилтон стапи во брак со Реум во 2021 година. По неуспешните обиди да станат родители, по природен пат и со ин витро, тие решиле да добијат дете со помош на сурогат мајка.