Дел од таванот на главниот влез во Спортскиот центар „Пинки“ во Земун се урнал вчера утрото, три часа пред почетокот на натпреварот по гимнастика, пренесуваат српските медиуми.

Според она што утрово го видел тимот на Н1, проблемот е привремено решен со најлон. Тоа се случило вчера околу 6 часот наутро, а веќе околу 9 часот требало да се одржува натпревар во ритмичка гимнастика, но за среќа никој не е повреден, објави Н1.

На сликите што се појавија на социјалните мрежи, можеше да се види дека стаклото е напукнато, а исто така беше напишано дека цевките всушност паднале заедно со таванот, за кои се проценува дека тежат дури и до еден тон, објави репортерот на Н1.

View this post on Instagram

A post shared by MOJ – BEOGRAD (@moj_beo_grad_)

Влезот во Спортскиот центар е затворен и поставена е црвена лента за предупредување на опасност.

Граѓаните истакнаа дека се загрижени за безбедноста, пред сè затоа што голем број деца циркулираат во салата секој ден, учествувајќи во спортски активности и настани.

Салата „Пинки“ е изградена во 70-тите години и со години имала проблеми со протекување, а како што пренесува Н1, еден од начините на кои го решиле бил со закачување кофи на таванот за собирање вода.