Бројни познати дами имаа впечатливи модни изданија во текот на 2024 година, а меѓу оние кои оставија впечаток се Зендаја, Рита Ора, Дуа Липа и Џенифер Лопез.

Покрај Мет Гала или Оскарите на модата, како што ја нарекуваат, бројните филмски премиери и црвените килими на филмските фестивали како Кан и Венеција беа позадина за некои од најдобрите комбинации што сме ги виделе оваа година.

Кога станува збор за познатите дами кои доминираа на модната сцена, тука е Зендаја која го привлече вниманието со своите изданија на прес-турнејата за продолжението на филмот „Dune“.

Со помош на нејзиниот стилист Ло Роуч, таа го привлече вниманието со необични креации како што се роботскиот костум на Тиери Муглер, фустан на Роберто Кавали од колекцијата пролет/лето 2011 година и комбинација на Луј Витон од модната недела во Париз.

Благодарение на трудот кој го вложува во секое јавно појавување и стилистот Ло Роуч, таа стана своевидна модна икона, а покрај изданијата од прес-турнејата за „Dune II“, младата актерка привлече внимание и при претставувањето на филмот „Challengers“.

Меѓу актерките кои годинава привлекоа внимание со своите креации се Синтија Ериво и Аријана Гранде на прес-турнејата за филмот „Wicked“.

Џенифер Лопез е вечна модна икона, а почнувајќи од гламурозните изданија од нејзината кујна и фотографиите кои ги споделува на мрежите – 55-годишната актерка за Мет Гала облече фустан од Скиапарели со 2,5 милиони бисери, а вниманието го привлече во друга необична комбинација на истиот бренд на модната недела во Париз.

Еден од најнезаборавните фустани од Мет Гала беше оној што го носеше пејачката Тајла. Носеше креација од песок во која едвај се движеше и мораше да ја носат по скалите.

Индиската претприемачка Мона Пател предизвика „лудило“ на социјалните мрежи, каде корисниците се восхитуваа на нејзиниот фустан дизајниран од Ајрис Ван Херпен и се прашуваа која е таа навистина. За многумина непознатата претприемачка го освои светот во фустан со фигури, а на страните имаше сошиени пеперутки, корсет, како и проѕирни детали од тантела.

Златните украси во вид на пеперутки на рацете особено ги импресионираа корисниците на социјалните мрежи, со оглед на тоа што крилата механички се движеа сами по себе.

Рита Ора оваа година беше кралица на проѕирните комбинации, а во неколку наврати одбирала фустани и комбинезони со проѕирни детали за да ги истакне своите извајани стомачни.

Ким Кардашијан секако привлекува внимание каде и да се појави, а нејзините модни изданија ја одбележаа и претходната година – почнувајќи од фустан со длабоко деколте и круна, што ги налути верниците, па завршувајќи со сребрена креација на дизајнерот Џон Галијано, каде таа ја истакна нејзината неверојатно тесна половина со корсет.

Кога станува збор за претходната година – една боја ја одбележа сезоната есен/зима, а тоа е бордо нијанса. Ја носеа познати личности како Кејт Мидлтон, но и Зендаја, Џенифер Лопез и Софија Вергара.