ФОТО | Оваа жена е најголемата поддршка на украинскиот претседател: Олена Зеленска, првата дама ги охрабри сите Украинци

Олена Зеленска/Колаж
Олена Зеленска/Колаж

Претседателот на Украина и прекрасната Олена Зеленска се во брак од 2003 година, имаат две деца, а тој не штеди на убави зборови и романтика кога станува збор за неговата сакана.

Во мигов кога Украина е под удар на воените трупи на Русија, таа му е најголема поддршка на сопругот, но и на својот народ, испраќајќи им пораки за смирување и охрабрување.
Која е всушност, Олена Зеленска, првата дама на Украина?

Олена Зеленска е архитектка и писателка, родена во 1978 година. Нејзин сопруг е претседателот на Украина Владимир Зеленски, а со тоа таа е официјално Прва дама на Украина.

Во декември 2019-та година Зеленска се најде и на листата на 100 најмоќни Украинци, на магазинот Focus.

Вчера таа на својот инстаграм –  профил сподели емотивна објава за охрабрување на Украинците, кои периодов ги живеат најтешките денови, поради нападот од Русија. Со слика од украинското знаме, таа порача:

“Мои драги луѓе! Украинци! Ве гледам сите денес. На телевизија, на улиците, на интернет. Ги гледам вашите објави и видеа. И знаете што? Вие сте неверојатни.
Горда сум што живеам во иста земја со вас. Велат дека многу луѓе е толпа. Но, тоа не важи за нас. Затоа што многу Украинци не се толпа. Тие се армија!

И денес нема да бидам испаничена и во солзи. Ќе бидам смирена и самоуверена. Моите деца гледаат во мене. Ќе бидам веднаш до нив. Ќе бидам веднаш до мојот сопруг. И до вас.
Ве сакам! Ја сакам Украина!“

Олена и Владимир Зеленски биле во врска 8 години пред да се венчаат во 2003 година. Парот има две деца, во 2004 година им се родила ќерката, а во 2013 синот.

На 6-ти февруари претседателот на Украина ја покажа својата романтична страна и по повод роденденот на неговата сакана објави фотографија од неа и во описот напиша:

„На мојата љубов денес ѝ е роденден“ и дополни со низа зборови полни емоции за неа во облик на песна, за тоа колку ја сака, какво разбирање имаат еден за друг и како не може да си го замисли животот без неа.

Видео на денот