ФОТО: Одбележана 23 годишнината од првата жртва во воениот конфликт во 2001 година
Денеска во тетовско Теарце беше одбележана 23-годишнината од загинувањето на полицаецот Момир Стојановски, кој беше убиен при напад со ракетен фрлач врз полициската станица.
Овој настан во 2001 година се смета за почеток на вооружениот конфликт во Македонија. При нападот тешко ранет беше полицаецот Давор Евросимовски, а полесни повреди добија неговите колеги Борче Ѓуровски и Јахи Лика.
Денешното одбележување го организираше Одборот на бранители. Претседателот на Одборот Марин Најдов заедно со делегација и помошникот на командир на полициско одделение Теарце Славчо Божиновски положија букет свежо цвеќе
Настанот се одбележа пред објектот во кој во 2001 година беше сместена Полициската станица Теарце, која беше нападната од терористичка група.
Објектот е пропаднат, нема никакво спомен-обележје, освен плочата-потсетник за загинатиот полицаец Момир, која само на денот на одбележувањето се поставува пред вратата на објектот.