Скопјани во средата ги „разбуди“ тишина. По улиците речиси и да немаше сообраќај, а паркинзите останаа полни. Ретките и полупразни автобуси јуреа без проблем по булеварите, собирајќи по некој патник, а некои од нив дури и не застануваа попат бидејќи немаше никој што е невообичаено за работен ден. Администрацијата доби слободен ден, а дома останаа и учениците и студентите.

Дел од дуќанџиите во трговските центри воопшто не беа отворени, за да не прават непотребни трошоци за минимален трошок. Од друга страна слободен термин немаше во фризерските и козметичките салони, стоматолошките ординации, а големи редици се забележани пред пунктот за сликање за пасош и лична карта. Дел од таксистите велат дека денес било милина да се вози низ градот, иако некои сообраќајници беза затворени. Но се пожаилја дека немаат работа, оти нема луѓе.

-Вообичаено не излегувам прва смена да возам. Просто е неподносливо наутро да се вози низ градот кога е работен ден. Но нема муштерии, а некои делови од градот се затвореји – ни рече еден таксисист.

И на зелените пазари немаше луѓе. Ретките пазарџии цупкаа на студот и се пожалија дека ќе си одат порано, оти нема кој да им дојде на пауза или после работа.

-Сега се гледа кој ја прави гужвата низ градот. Во средата кога ги пуштија од работа, службениците си изнапазарија, а денес се појавија само пензионерите кои живеат во околината – велат тезгаџиите.

Министерскиот состанок на ОБСЕ го поремети редот во градот, но им даде дополнителен ден и пол на адиминистративците и учениците. В петок се се враќа по старо, иако некои граѓани си земаа ден од одморот и добија уште еден продолжен викенд.